خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين ) — الصفحة ٣٨٩
آغاز سخن
آفتاب چهره پسرلرك بعضيسى صراحى و پياله طو - توب بعضيسنك النده خانه خانه ياپلمش و هر بر خانه سنه فندق و عناب و جوز و كستانه و ليمون و سركه ايله ياپلمش سير و پياز و قاون و قارپوز قونمش بر طبق اولوب امرانك برينه ساغر صونلدقده اول پسر طبقى اوكنه طوتوب پياله نوش ايدن آدم استديكى شى ايله تنقل ايدردى .
بعده بازيكرلر لعبه آغاز ايدوب تعبير و تقريرى ممكن اولميه حق اويونلر اويناديلر .
و مقوادن ياپمش بولندقلرى صورتلرك ايچنه كيروب اصول ختاى ايله حيرت انكيز رقصلر ايلديلر از جمله بزدن ياپلمش و تويلر ياپشديرلمش آياقلرى و بورنى قرمزى بر بيوك ككلك صورتنك ايچنه بر اوغلان كيروب ميان ميدانده رفتار و آياقلرينى و باشنى اصول ختاى اوزره بر كونه تحريك ايدردى كه تماشاسى حضارى مانند صورت ديوار ايلدى .
و الحاصل اولكون بو كونه ذوقياب ايله اخشام اولوب شعبانك اون دردنجى كونى كوچولدى چوله كيريلوب بيابانده قطع منازل ايدرك قراول نام قلعه‌يه واريلدى .
قلعهء مزبوره غايتله متين و اطرافنده عميق خندقى اولوب هر طرفى جبال اولمغله يول قلعه‌نك اورتاسندن اولوب برقاپوسندن دخول و ولوج و بر قاپوسندن خروج اولنوردى .
اول محلده دخى ايلچيلرى و اتباعلرينى تكرار تعداد