خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين ) — الصفحة ٣٧٤
4 پيوست عجائب اللطائف ترجمهء تركى سفرنامهء غياث الدين نقاش
شو سفارتنامهدن ابتدا ، 887 سنه سنده وفات ايدن - شيخ كمال الدين عبد الرزاق بن جلال الدين اسحاق السمرقندى - حوادث جهانه دائر 700 سنه سندن 875 سنه سنه قدر تحرير ايلديكى - مطلع السعدين - عنوانلى تاريخ معتبرنده بحث ايلمشدر .
آندن نقل طريقيله خواند مير شهرتيله بنام اولان غياث الدين بن همام الدين الحسينى « حبيب السير » نام تاريخ كبيرنده ذكر ايتمشدر .
بعده عثمانلى فضلا سندن مشهور كاتب چلى مرحوم آنلردن ترجمه طريقيله بعض قسمنى - جهاننما - آدلى كتابنه درج ايلمش اولديغى بوندن اوتوز بش سنه اول كورلمشدى .
لكن كتابك اصلنى و تمامنى كورمهيى آرزو ايتمش اولديغم حالده نه استانبول كتبخانهلرنده نه ده بشقه بر محلده بوله مامشدم .
يانيه و اشقودره ولايتلرى ماليه مفتشلكنده بولنديغم اثناده 1315 سنه سنده اشقودره جوارنده مشهور اسكندر بكك مقر حكومتى اولان اقچه حصار قصبه سنه اوغرامشدم .