الرحلة الآنورية إلى الأصقاع الحجازية والشامية — الصفحة ١٥١
بحريه ناظر موقري ودردنجي اردوي همايون قوماندان غضنفر بيكرى دولتلو « جمال » باشا حضرتلرينه :
( ( بارباروس ، طروغود ) ) كبى شانلى قوماندانلر * أك قوى دولتلر دهشت رسا بحريه مز
نور فياض هلالي شرق وغربه نشرايدر * ايتديرردى صيت تختى اعتلا بحريه مز
دورهء سلطان ( ( عزيز ) ) ده بك تكمل ايلمش * غبطه بخش أفق مجد أوروبا بحريه مز
قدرت عثمانيان انديشه افزاي ملوك * دهره سطوت بار أيدي آهن لقا بحريه مز
ناكهان تخت مراده كلدى شاه نا مراده * باشلادى ادباره نجم بر ضيا بحريه مز
حبس اولندى نيم عصر محروم أنوار كمال * دوشدى قوتدن أو غايت معتنا بحريه
اويله كيم اسمى بيله نسيان اولنمشدى اسف * قالدى بيكس ، بر يتيم بي غدا بحريه مز
ينجه بيداد استبداد ايله اغلارطورر * سلطنت بيرا أو شكل دى بها بحريه مز
ملتك فريادينى كوش ايلمزدى بادشاه * وهمه قربان اولدى قالدى جان ربا بحريه مز
غيرة اللّه طوقوندى عاقبت أحوال شاه * ( ( اتحاد ) ) فيضيله بولمشدر رها بحريه
خلع اولندى خسرو بي قيد اقبال وطن * اولدى أنوار كماله ملتجأ بحريه مز
فيض حريتله مشبوع جسم وجانى دمبدم * يوكسه لير نورله صاجار مهر انجلا بحريه
قدرتي جان بخش ملتدر بوكون بي * فخر ايدر بر جسم ايله فوز أنتما بحريه مز
ناظر يدر بروجود شير طبع وبر وقار * كيم جماليله سراسر روشنا بحريه مز
فكر جالا كيله ذهن بار عيله آن بان * بولمهده بر قدرت بي انحنا بحريه مز
نام وشانى زيور نوار ملك وسلطنت * ناظر سطوت رسانله مرتقا بحريه مز
رأس كاره كلديكى كوندنبرى أول باك زاد * شوق صهباى شرفله بر صفا بحريه مز
جيزديكي بروغرام ايله ماضيده كي اقبالنه * مظهر اولمقده خدا شكران سكا بحريه مز
حرب حاضرده قوى موسقوفلرى بر باد ايدر * نام ( ( قانوني ) ) يى محيي آثاردها بحريه مز
بحر اسودده جناق قلعه محيطنده بوكون * ايلر اظهار جلادت جان فدا بحريه مز
بار لاتير نجم وهلالي مثل خورشيد فلك * أفسر اورنك خاقان سرورا بحريه مز