وليد الكعبة — الصفحة ٣٢٨

در بيان وقوعات اخيره

كچمده ايكن هفته وايام ماه * گلدى اوّل دل داره يه چون انتباه

كوردى حملندن چوق انار عجيب * چون ظهوره گلدى احوال غريب

سال فيل اوثوزينه يتدى همان * يگرمى اوچ ييل هجرته واردى زمان

سوق ايدوب حق قدردن اعلان آنى * اون او چنجى رجبك جمعه كونى

اولمشيدى مدت حملى تمام * اولدى اول كون عازم بيت الحرام

انده ايكن حامل شير نره * اضطرابندن او توردي بر يره

فطرت ذاتيه سى پاك وطهور * كيم تجلّىَ ازل ايتدى ظهور

كيمسه يه واقع دكل كن بو شرف * طوغدى بيت ايچره همان خير الخلف

بصدى بغرينه اودم نوزداينى * هم اسد تسميه قيلدى آدينى

استر ايسن مصطفايه انتساب * قيل رضاى مرتضايى اكتساب

سلّموا صلّوا على خير الورى * هم باسرار علىّ المرتضى

نخل والا ميوه عزّ وشرافتدر على * صلب پاك ومبدأ سرّ سيادت در على

زوج زهرا نور عين احمد اُم المؤمنين * فرق امّتده ولا يتله سعادت در على

قافله سالار معنا منهج فيض وصال * ره روان عشقه مصباح رشادت در على

ذاتنه فر توجهدن بيورمشدر رسول * ذكر نامى امته محض عبادت در على

آستان فيض احسانك كداسيدر جلال * منبع وجود وعطا لطف وسخاوت در على

آلدى مولودك كتوردى دارينه

حيرت ال وبردى بتون جيراننه