مناهج البكاء فى فجائع كربلاء — الصفحة ٨٣

المنهج الثالث عشر

بس ما وصل ووچب على الباب * مسلم وهو خايف او مرتاب

جت ليه طوعه ابدمع سچّاب * گالتله أمر رد الجواب

گلبي يطوعه من العطش ذاب * جابتله او نشدته ابترتاب

انت غريب او مالك اصحاب * گلها احنه الذي بالضيج ننجاب

ذچرنه او نزل بيه نص الكتاب * تنشدين عن اسمي والنساب

انا مسلم وعمي داحي الباب

شرب ماي او جذب لحسين ونه * ردت شافته او ريبت منه

شربت الماي بالله روح عنه * انا حرمه يراشد واجنبيه

اجت ليه العفيفه واسگته الماي * اوگالت گوم شنهو گعدتك هاي

لاتگعد يروحي او ماي عيناي * گوم او روح لهلك چا هلك وين

ون ونه ايتگطّع منها الفواد * يهل حره هل يماهم بالبلاد

غريب الدار وهلي عني ابعاد * وين اهلي هلي ماهم جريبين

نادت يا بعد عگلي والانفاس * چنك هاشمي مومن عرض ناس

هله اوكل الهله علعين والراس * الك منزل يغاتي ابين خل العين

اظن مسلم او غيرك موش مسلم * هله او كل الهله والعلي لخدم

انا طوعه يبعد الخال والعم * چثير اهلا يعز الهاشميّين

عرفها عرفته صبت ادموعه * گاللها نعم حنّت اضلوعه

گالتله لتبچي وانه طوعه * وصيفه الفاطمة اوست النساوين