مناهج البكاء فى فجائع كربلاء — الصفحة ١٩٦

المنهج الثلاثون

الشجاعة الحسينيّة

يهل الخيل ابو السجاد بالخيل * دنكسوله السلاح اوصيحوا ادخيل

طب الكون واهله صاحت انذار * مهو حدّ الزلم ظنوة الكرار

شملها الرعب يمنه او گلب ويسار * مثل موسى اولگف ذيچ التهاويل

مثل موسى او لگف سحر الفراعين * ابعصّاته او خفت نار الميادين

زينب هلهلت بالطنب لحسين * كفو الترفع نخوته الراس وتشيل

يشيل الراس لمّن لكد وحده * او على السبعين الف فات او تعدّه

وگف دون الحرم بالسيف سدّه * تميل اطوادها وحسين ما يميل

الشجاعة تاج الله ومفصّلاعليه * اوتفگده امه حتم كلمن يدانيه

يخسه الداس حدّه والنفس بيه * بِل ابطالها ومذهبه اسهيل

تعلّم سيفه التوحيد منّه * يصك البطل وحدّه او عيب ثنّه

فنّه الأخذ غلب احسين فنّه * وخذ غلبة علي كل الرياجيل

اهو مثل الخليل او صك الاصنام * او حطمها ابسيفه اولف الاعلام

اليفر منه يفر الراس جدّام * او راحت خيلها اتدوس المجالتيل

«نعي لسان حال العقيلة»

احسين ودع اهل بيته * او شرعبت ببن امي حميته

من هلهلت ليه اة نخيته * لكدها عسى ابروحي فديته

بالكون شايع دوم صيته * والگوم ما تحمل نويته