مناهج البكاء فى فجائع كربلاء — الصفحة ١٩٤

المنهج التاسع والعشرون

يا واحد زمانك يعي يا فتاك * تروح او من تروح العز يروح اوياك

شيم اختك يخوها على اللگه تنخاك * ليش اتشوف ابوفاضل تعذرها

تگله الگوم گوم اتريد گوم الگوم * بصره او شام والكوفه او حچيها ابزوم

تطلب يوم بدر او حصل يوم ابيوم * عتبة والوليد اليوم مشورها

تبسم وهز او جرّد الماضي الحد * يگلها اليوم اسوي اليوم يوم اسود

نكث رمحه او تطاير كل عجد وحد * تچنه او عد وجهها ارماح كسرها

تهلهل والدموع اتهل اوتلوي الجيد * تگله استسلمت للموت عاني اتريد

بچت غصبن عليها اتشوف اخوها اوحيد

نعي ، لسان حال العقيلة :

اخوي الفلا والله ايتمثل * ابغير الوصي او جدّي المرسل

طلع للحرب وجهه ايتهلل * مطرب على مهر تخيّل

نحرها او بيده السيف منسل * او لركان جيش الكفر زلزل

من صوته كل حران يختل * يطير العگل منه او يذهل

فعل بالعده ما شاء يفعل * لمّن هتف بيه الاجل

سلّم الربّه وامتثل * او عن غاربه للموت حوّل

او ظامي بطل حيلي انچتل * وبغير دمّه ما تغسّل

او تجفن ابذاريها اوتزمل * يا هو اليوم الجفن لوهل

او بالگلب نار الحزن تشعل