مناهج البكاء فى فجائع كربلاء — الصفحة ١٨٩

المنهج التاسع والعشرون

بگه محني الضلوع احسين اجه وتوسط الحومه * وگف بالمعركه مهموم ينده صحبته او گومه

وگف بالمرعنه مهموم نده يا مسلم او هاني * حبيب او يالعلي يزهير اهلال او مسلم الثاني

اعاتبكم شعاتبكم شگلكم يگصر الساني * لامنكم جفه او هجران لا هذه محل نومه

وين الحر وين ابرير وين الشاكري عابس * انه لامه حرب شايل او درع امن الزرد لابس

نارالحرب والحر نار چبدي امن العطش يابس * اريد الماي والثايه تريد اهناك ملزومه

نحه وين ابن ابوي انهض يملگه الشر تلگه الشر * يا عباس يا جاسم وين ابني علي الأكبر

يا ضنوة عقيل ايهون يا ضنوة علي او جعفر * حيهم كنز ابو طالب ما بيكم بعد گومه

چانو قبل رد الصوت عنده للنخه حيهم * انه فيهم وهم فيَّ غده فيَّى او غده فيهم

البدر عباس ونجومه اخوتي البلفلك ظيهم * اليوم امن السما للگاع طاح البدر ونجومه