مناهج البكاء فى فجائع كربلاء — الصفحة ١٥٨

المنهج الرابع والعشرون

لسان حال الوالده :

رمله الوالدها شبگت اعليه * تشجعه او تهلهل له او تنخيه

للعمر دون احسين تفديه * يگلها او دمع العين يجريه

الماي عگبي من تشربيه * اذكري افادي العطش ماذيه

والعرس لابد من تحضريه * تذكرين عرسي او زفتي بيه

اوشباب الذي عينچ تصد ليه * والده اشبابي دذكريه

آيبني ابشبابه ما تهنه * عرّيس وابدمّه امحنّه

او للبيض فوگه غدت حنّه * واملبّسه نشاب ايتثنّه

الوالده :

مدري اهلهلك يجسّام * ابعرسك البيه الفرح ما دام

مدري ادگ والطم على الهام * اشوفك اموزّع بيض وسهام

اوحِيّد وعدلك شهر ويّام * واليوم عندي اسنين واعوام

مدري صدگ لو طيف واحلام * اوليدي على امنصّة رمل نام

تزفه العده چاوين الاعمام * اشموعه مواضي او نبل وسهام

واعمامته طبره على الهام * يا حسين دِحضر عرس جسّام

ذكر بعض ارباب المقاتل ان الحسين عليه‌السلام لما حمل القاسم بن الحسن عليه‌السلام والقاه بين القتلى من أهل بيته قال عليه‌السلام : اللهم احصهم عددا واقتلهم بددا ولا تغادر منهم احدا ولا تغفر لهم ابدا