مناهج البكاء فى فجائع كربلاء — الصفحة ١٤٥

المنهج الثاني والعشرون

«لسان الحال»

الكدر من كربله يكفيك اسمها * اهي گبل البشر صادر علمها

عرس جاسم اشلون الصار بيها * اطيور البين تتخافت عليها

عرس والناعيه تنعه ابنعيها * اخوها او هاي ابنها چتيل يمها

تزف من عادة العريس شبان * او زفت حاسم العريس نسوان

احضرن جاسم او عرسه ابفرد صيوان * ابساعه الغيرت رسمه او رسمها

جابن حنته او ما خضبنه * او طير البين للعريس غنه

تهلهل صوت ثاني او صوت لنه * يا جاسم ما تنحر زلمها

هذا اشلون عرس اشلون زفه * بعد اشلون وين اخضاب چفه

آخر كربله ما بيچ عفّه * هله اشبلوتچ والله اشعظمها

العرس من عادته سبعه امن الايام * التزف شبان مثله ورا او جدام

بس جسام وحده عرس جسام * عرسه اصياح والنوحه ابخيمها

جاسم من حده اولن جيت امه * بديها غرفته اوليها تظمّه

عمامك يبني ابشده مهمه * الخيل الخيل كفها او كف حزمها

يا جسام يبني انچاني امّك * يواحد خليني اودعك ورد اشمّك

عمك ذاك عمك ذاك عمك * حياتك دون عمك حل عدمها

تنخه او گال لا ترضين يمّي * لاما سال بالميدان دمي

شلي او شلي ابحياتي عگب عمي * انه مقدر على الذلة او هظمها