مناهج البكاء فى فجائع كربلاء — الصفحة ١٣٢

المنهج العشرون

فارس شهدت العسكر * ابحگه والرمح والسيف

شوصف عگلي اتحير * او عنه يعجز التوصيف

عالجيمان من حدّى * ابسيفه او شالهم تنسيف

محمد نزل عالأوثان * بيده محكم القرأن

نثر هاماتها عالگاع * ابضرب البيه ما ثنه

اشما تثگل دروع او طوس * السيف ما يشگفنه

تضل محتار لو شفته * او عگلك يندهش منه

من طبراته متعجب * يومن حسنه الفتان

فيح گوه الشريعه يوم * طاحت راية ابن ازياد

نزل للمشرعه اوناده * وين المنعة المورد

مله الجربه او غرف غرفه * او تذكر وعد سكنه عاد

نفض چفه اودفگ دمعه * على المظلوم والرضعان

يگل للنفس هاي انصاف * منّچ تشربين الماي

گلب احسين يسعر نار * اويبرد بالفرات احشاي

وآنه ضنوة الكرار * هم گلي امروه هاي

وهو بفراش احمد بات * يفديه بالنفس فرحان

فده نفسه او ثلث تنعام * بالطف العضيده احسين

او بالحومه وگف نيشان * لسهام او نبل صوبين

بهض حيله سهم سدره * او سهم اللي وگع بالعين

او مرد گلبه سهم اگشر

جوده صارله نيشان

الف وسفه على العباس ينصاب * او مخ راسه على الچتفين ينصاب

المياتم دوم اله ولحسين ينصاب * لمن تظهر الرايه الهاشميه

اغص ابفيض دمع العين وشرق * وعظامي غدن لاگات وشرق

على المطروح فوگ النهر وشرق * نوره او گطعوا اچفوفه الصخيه