مناهج البكاء فى فجائع كربلاء — الصفحة ١٢٢

المنهج التاسع عشر

اجنح فوگ ميمونه او تچنه * او تشعشع بالحرب والحرب فنّه

زبد وارعد او خاف الموت منه * غضب ضهضب او رف رفة الشاهين

من فرّت مسامي الكون حدر * على الشاطي او دونه اصفوف عسكر

زعق بيها او صاح ابظهر الاشگر * ضلت تحتسبها اصفوف ميتين

صاح او ضيگ اعليها فلكها * او فوگ اخيولها موته تركها

نزل للمشرعه راهي او ملكها * غرف بيده او تذكر عطش الحسين

«لسان العقيلة»

علينا اقبلت خيل او روايه * او لخيامنه اتعنت عنايه

وارجالنا نومه ضحايه * واطفالنا كلها ضمايه

والعلگمي ملزوم مايه * دنهض يمن بيك الحمايه

ابن والدي البيك الكفايه * البالسيف مسجيها المنايه

وحگ ممن للخلگ رحمه وجوده * جزه الحد فضل ابو فاضل وجوده

أرزم والعلم شاله وجوده * نصه المشرعه ولا هاب المنيه

يبو فاضل كتل زينب وجدها * وهي المدلله الوالدها وجدها

علينا بن سعد فرصه وجدها * ورد كيده ابنحره يا شفيه