ثمرات الأعواد — الجزء ١، الصفحة ١٠٨

المطلب التاسع عشر في كيفية خروج موسى من مدينة فرعون

لا چن لوله ما ينزل * امن الباري العهد لحسين

ناداه الوعد وينه * او گال انچان هذا الدين

أبد ما يستقيم الّه بچتلي * اخذيني يا سيوف الحين

يسيوف العده او دارت * عليه أو كل كتر ملزوم

حاطت بيه بس ترميه * بحجار او نبل وسهام

هذا ايطعنه بالخطي * او ذاك ايضربه بالصمصام

حال العطش عن شوفه * او عن الماي بالطّف صام

من كثر النبل والزان * ما يگدر يولي ايگوم

الف وتسعميت اصواب * المثلث مرد گلبه

او وگع للگاع ابو اليمه * وعليه الدينا منجلبه

گطع راسه الشمر بالسيف * او فزعوا كلهم السلبه

او لامت حربه سلبوها * او عليه ما تركو من اهدوم

عليه ما تركو من ثياب * وموسد على التربان

ورضّت خيلهم جسمه * او راسه على سنان اسنان

ظل عاري ثلث تيّام * ابلياليها او گضه عطشان

او ماي العذب مهر امّه * او من عنده انچتل محروم

(تخميس)

أيقتل ضمآناً حسين بكربلا * وفي كل عضو من أنامله بحر

ووالده الساقي على الحوض في غد * وفاطمةُ ماء الفرات لها مهرُ