المحاضرات المنبرية في المجالس الصفرية — الصفحة ٢٠٢
الأحداث التي جرت بعد فقد النبي صلى‌الله‌عليه‌وآله ( القسم الثاني )
غمض عيونه وظل يون ونّه خفيّه
وفاطم اتنادي بصوت يا خير البريّه
اتنادي يبويه والگلب هايج بالأحزان
انظر علي الكرار يا مختار حيران
والدمع يجري امن الحسن واحسين غدران
ينادون يا جد والگلب ناره سريه
ضمهم الصدره والگلب هاج ابونينه
وناده يبو محمد يمسموم اللعينه
چني ابچبدك بالسموم امگطعينه
وتگضي يبعد الروح بالهم والرزيّه
وامصاب اخوك احسين ما مثله جرى امصاب
يبگه معفّر والچفن من ذاري التراب
ويمه اهل بيته واخوته وباجي الأصحاب
كلهم ضحايا اعلى التراب بالغاضريه
وانتي يزهره من بعد عيني العدوان
تهجم على الدار وتشب بيها النيران
المحسن يسگطونه وحيدر عالي الشان
ينظر المحسن على الأرض طايح رميّه
وحاطوا بنار الجزل للوحي منزلاً * وقادوا علياً في نجاد المهند
وفاطمة بالباب أسقط حملها * بعصر شديد مؤلم عن تعمد