اسناد ومكاتبات سياسى ايران ( از سال 1105 تا 1135 ق ) ( فارسي ) — الصفحة ٨٨
نامه صدر اعظم عثمانى به صدر اعظم ايران
نامه صدر اعظم عثمانى به صدر اعظم ايران
نامه صدر اعظم عثمانى به صدر اعظم ايران
جناب معالى مناب وكالت اياب صدارت نصاب درايت انتساب ، مشير مشترى تدبير خورشيد ضمير ، مشار بلند اشتهار ارسطو نظير ، دستور حقايق شعور ، بانى مبانى نظم امور ، معتمد الدوله بالرأى الرزين ، عماد السلطنة بالتمكين ، وسيلهء امنيت ، امين نگين سلطنت . صاحب كاردان آصفشان ، خان خانان شاهجم عنوان ، دام عونا لايثار الامن و الامان ، حضرت لرينك موقف معانى بنيان و محضر سامى مكان لرينه نفحات دعوات عنبرين نسيم و نسمات تحيات عبهرين شميم كه مهب و داد جنان دن وزان و به سان نسايم جناندن فاتحه رسان مشام جان اوله تولاى ولا و تقاضاى موالفت اقتضا ايله اتحاف واهدى قلندقد نصكره مفتاح ابواب تعارف و مصباح انوار تعاطف اولان ضمير آينهسا و طبع منير حكمت شناسالرينه مخلصانه ابانه و انها اولنان اولدر كه بصره حوالى سنده اشقياى عرباندن مانع اوغلى مغامس نام شقى و قرنداشى محمد اتباعى اولان اشقيا ايلدن بوندن اقدم طرف سلطنت سنيهيه بغى و عدوان و فساد و طغيان اوزره اولملريه حالا بغداد واليسى اولان وزير روشن ضمير عزتلو سعادتلو حسن پاشا حضرت لرى بالاقتضا بعض عساكر منصوره ايله اوزرلرينه واروب و اثناى محاربه ده بتوفيقه تعالى جمعيت لرين تفريق و تشتت ايتمكله اشقياى مرقومه منكسرا و منهزما رهگراى وادى خيبت و خسران و بيداى خذلان ده حيران و سرگردان ايكن حالا حويزهخانى اولان فرج الله عبد إله خان شقى مزبور مقامس دعوت ايله . . . نوازش و اكرام و . . . امرينه تقويت تام ويرديكندن ماعدا شقى مزبورك عشيرتى اولان منتفق عرباننه كرارا مرارا آدملر ارسال و بالاخره عربان مذكوره دن آل اجود و آل مناع و آل صبيحه و آل زهيرين و آل ضاحى عشيرتلرين شقى مزبوره تبعيت ايتدروب بعدهخان مذكور كندى اتباعندن شقى مزبوره بيگدن متجاوز سوارى قوشوب عشاير مرقومه نك شيخلرينه ايصال وانك امداد و عنايتى ايله بصره و