اسناد ومكاتبات سياسى ايران ( از سال 1038 تا 1105 ق ) ( فارسي ) — الصفحة ٤٢
جواب
اختلاف و شقاق بر وضع ناهموار ظاهر و آشكار اولميه ، طرف كامل الشرف پادشاهانه مزدن دخى منوال مذكور اوزره محرر و مسطور اولان شروط و قيود مرعى قيلنوب ايل و مملكت كزه تعرض اولنما مغيچون ارسال اولنان عهدنامه كز مقابله سنده اشبونامهء همايون صدق مشحون مز كشيدهء سلك تحرير و بيان قيلفنشدر كه مابينده خصومت بر طرف و رعايت مراسم الفت و موافقت فوق ما سلف اوله و سفير مسفور شرف تقبيل بساط عزت و انبساط پادشاهانه مزله مفتخر و مباهى اولوب . آداب رسالتى كما هو حقه ادا ايتد كدر نصكره اجازت عليه مزله جانبكزه عودت و انصرافه مرخص اولمغين .
نامهء همايونمز تبليغى خدمتنه تعيين اولنان درگاه سعادت دستگاهمز متفرقه لرندن افتخار الا ماجد و الاكارم متفرقه محمد دام مجده ايله همراه قيلنوب روانه اولدىلر .
همواره صلاح انديشان دين و دولت مظهر احسان ملك منان باد برب العباد .
تحريرا فى اوايل شعبان المعظم سنة تسع و اربعين و الف « 1 »
( 1 ) منشآت فريدون بيك ج 2 ص 304 - 302 .