ديوان النصاريات — الصفحة ٩

أو جده حيدر الكرار معروف * أو عمه الحسن والعباس الأزهر

اهتز ابغيرة الله وافرع الرأس * تبارك بالوجه والدرع والطاس

أو سيفه الشعشعاني المرهب الناس * أو بالخيل الطلايع ضيق البر

اشچم حران من غدارته نس * مهو ابن احسين ضرب السيف اله أو بس

ابرمحه چم عجيد اصياح لبس * أو خلاها ابجماجمها تعثر

تموج الخيل من يفتر عليها * چن الخيل عزراييل بيها

ذب هذا ورا أو هذا لديها * مساميها ورمحه يلحق الفر

شباب ولا يهاب الموت طفاح * بسرج عالي طويل الظهر نفاح

ارضى السيف واطاشرحا الا رماح * أورد ايلوج بلسانه أو يفغر

مض العطش بابن احسين الأكبر

أو رد ايلوج بلسانه أو يفغر

يصيح ابصوت فت گلبي أو شعبني * يبوي گوم ليه العطش ضرني

يبوي درعي أو طاسي بهضني * يبوي أو نشفت ارياگي من الحر

يبوي شربة أمية لچبدي * ايتگوى ورد للميدان وحدي

يبوي فطر گلبي وحق جدي * العطش والشمس والميدان والحر

يگله آمنين أجيب الماي يا ابني * مهو حچيك بهض حيلي أو شعبني

أوفت روحي أو حمس چبدي أو لسلبني * يبوي استخلف الله العمر واصبر