ديوان النصاريات — الصفحة ٨

راد احسين شيله للصواوين * انتبه عباس لحسين أو زرق عين

يگله اشرادتك ياخوي يحسين * يگله أريد اشيلنك وسدر

يخوي احسين خليني ابمچاني * يگله ليش يا زهرة زماني

يگله واعدت سكنة تراني * ابماي واستحي منها امن اسدر

يخوي اشلون اشوفنها أبيا عين * لو جتني أو گالتلي الوعدوين

دخليني أموت اهنا يحسين * يخوي المستحا من شيمة الحر

گام احسين يبچي للصواوين * ينشف دمعته عن النساوين

خاف لنهن يفگدن على احسين * أو يگلن له عليمن هالدمع خر

أو يلي تلقته تبچي اسكينه * تگله عمي العباس وينه

شرب ماي أو نسانا ما نسنه * العطش واقلوبنا تلهب امن الحر

خرت دمعة احسين أو تنحب * أو قاللها أو نار القلب تلهب

ابشاطي العلگمي عمچ امترب * گضي فرت تصيح الله وأكبر

شل اطرادها ابن احسين الأكبر

أو خلى الخيل بالهامات تعثر

امصيت هلهلت له الخيل لولاح * عليها أو صفگت له أطراف الا رماح

اورگصت له السيوف ابروس الاقراح * أو فوق الطوس دگت ضرب الاگشر

من هاشم امنتب موش ملفوف * أبوه احسين بالميدان موصوف