ديوان النصاريات — الصفحة ٧

وظن گلب العليل التهب نيران * يريت الماي بعده لا حلا اومر

همته بس يوصل الماي لحسين * لا گا من أولا گمدن الچفين

همه أطفال موتى بالصواوين * عطاشا اگلوبهم تلهب من الحر

طاح ايمين أبو فاضل والأيسر

خطف جوده ابحلگه أو للخيم فر

اجاه السهم للگربه أو فرآها * وگف يبچي أو سكنه ما نساها

مواعد على أمية لحشاها * أو منها يستحي للخيم يسدر

سمع حسين حسه ركب وارزم * غار على الخيم طلعها من الخيم

رديمه أو شافه سابح ابدم * تخو صر فوق رأسه والدمع خر

حط رأسه ابحضنه بگلب مرتاع * شاله أو تربه عباس بالگاع

رد احسين رأسه ابگلب مرتاع * شاله اردود للتربان والحر

يخوي العلم گلي وين اوديه * ينور العين دربي بيش اجديه

حنا فوگه أو شمه اوشبچ أيديه * أو صاح احسين أخوي الله وأكبر

يخوي انكسر ظهري أولا اگدرا گوم * صرت مركز يخوي الكل الهموم

يخوي استوحدوني عگبلك الگوم * أولا واحد عليه بعد ينغر

يخوي آمنين اجتني هالرميه * يخوي اساوگع بيتي عليه

يخوي اساعدوي شمت بيه * وشوفنك يبو فاضل امطبر