ديوان النصاريات — الصفحة ٥٩

وچلثوم كثري بالنحيب * علي بدم نحره خضيب

وجسمه على الرمضا تريب * وعگبه مشيت بيسر تغريب

وممشي الحرم ويا الغرب عيب

يا شبان بالله لا تونون * وبونينكم گلبي تگطعون

تهدون حيلي من تلوجون * يا ثمرة فوادي متحچون

ما أدري ياهل گلبي اشتر دون * حسرات عا الدنيا تجرون

وعيونكم ليها تديرون * تشعبون گلي من تونون

يا مغسل الشبان بهداي * بهدا دصب عليهم الماي

ترى ونينهم گطع احشاي * وخابت ظنوني وخاب رجواي

للسيد حسين بن السيد طاهر

يحادي الظعن گلي وين تردون * على جثة ولينه ما تمرون

يحادي الظعن ما تشفج علينه * وتمر بينا على عزنا اوولينه

يمه تگعد اسويعه سكينه * تشمه وتلثم جروحه وتشيلون

مر بينه نودع حسين ساعة * يسر گلبي ويرد روحي وداعه

مهو حسين الشعب گلبي وراعه * وخلي الگب طول الدهر محزون

يخويه البيك حاتفني زماني * ومشاعني وبالذلة رماني

ولا واحد عگب عينك حماني * بس أطفالكم يمي يلوعون