ديوان النصاريات — الصفحة ٥٥

يحسين تدري من خذونه * على اجمال هزل ركبونه

أو بحبال خشنه چتفونه * نشچي التعب ما يرحمونه

للكوفه حين الوصلونه * ابن ازياد آمر واصعدونه

القصر الاماره وگفونه * بالمجلس اگباله اعرضونه

أعلى چتله أو لواحد وقف دونه * من حين قاموا يسحبونه

صاحن خواته اشتطلبونه * دخلوا الشريدة قطعتونه

اشصار اباهالينه أو نسونه * ينامون عن ثارات اخونه

رچبتني يخويه اشلون رچبه * على ناقة عجفه أو صعبه

أو طول الدرب عيني امر به * أو بس دمعتي أعلى الخد مسچبه

أو للشام طبتي اشلون طبه * شفت كل أهاليها مطربه

أو بقلوبهم ملنا امحبه * اوراسك يزيد آمر بنصبه

أو بالعود كل ساعة يضربه * ويقول أخذنا ابثار عتبه

يحسين للشام امن اجينه * كلها اطلعت تبحر علينه

أو بالرمح رأسك شايلينه * وابنك علي ما شره عينه

يون أو شعب قلبي ابونينه * أولا طارش يصل المدينة

يخبر هلي بالمر علينه * يقلهم لهلنا احنه انسبينه

أو ثور يزيد أيريد دينه * استافه أو چتل منكم العينه

نمتم حسافه احسين وينه