ديوان النصاريات — الصفحة ٥٢

يحگلي يخوتي لسكن البيد * واصبغ اهدومي أولا البس اجديد

ونوحن على خوتي المحاميد * بالكون يلكلهم صناديد

واللي يگصدوهم مناجيد * يا هو امن اخوتي موعميد

عباس يلزلزله امن ارعيد * والگوم بس شافته من ابعيد

راياتهم راحت تماريد * ترضى ابخواتك يسر ليزيد

أو يمشن ابهل حر الشديد * والحرار تملكها العبيد

معذور يلمالك بگت أيد * اوطر هامتك عامود الحديد

في حق علي الأكبر

حس ضغيره وصياح گبر * يقولون طب للكون الكبر

حطبها اودعاها اذياه بالبر * نصى المعركة أو قوم العسكر

أو منها اشكثر فرسان كنطر * حر أو على الصيده انحدر

تفر أو عليها ايحوم ونشر * يا زلزله اتطر الصخر طر

اويلاه غوجك من عثر * ورداك بموسط العسكر

اوچلوا عليك أولا حضر * أبوك أو لحق شافك امطبر

أو ظهره انخنى أعليك أو تهشر * أو للخيم شالك يا غضنفر

أو ليلى اطلعت بالخدر تعثر * أو صاحت ابصوت الله وأكبر

يحسين وين ابني تگنطر * اوحيد اوحاتفني الدهر

في ليلة ( الله أو لحد راح الكبر ) الحادي عشر