ديوان النصاريات — الصفحة ٥٠

يا طارشي دنهض ابمكتوب * أو معاصب لبونه داحي البوب

بالضيج أبو الحملات مندوب * سيف النبي أو جيدوم الحروب

عن وجه دايم يحلي الكروب * من تصل گله اگعد يمنتوب

تري احسين ظامي الچبد معطوب * عاري أولا خلوا عليه ثوب

ترضه بعزيزك يضل مسلوب * أو زين العباد ابحبل مسحوب

من كربلا الكوفان مجلوب * عادت زلم طالب أو مطلوب

لا چن بناتك شلهن اذنوب * راحن سبايه أو گطعن ادروب

والأطفال تشچي العطش وتلوب * عن هاي چان اتنام معتوب

أو مثلك هظيمه ايصير مغلوب

يا طارشي دوصل ابهمه * وخذ معصبي وياك زمه

أو توصل لبوجاسم أو سلمه * اورج الرمح وانتحب يمه

أو گله أعلى أخوك الخيل لمه * اوعج الطراد اعليه ظلمه

ظامي انچتل والماي يمه * أو حال الطفل عنده تذمه

گطع رگبته حرمله ابسهمه * أو گله ترى زينب تحشمه

ظلت أبين الكفر حرمه * محمد يخويه هاي هضمه

عتاب محمد بن الحنيفة

محمد يخويه الله أو لحد * المثلك ثنيته اشلون تنسد

أو بعد الحسن واحسين تنعد * سردال خيل اوكلها تشهد