ديوان النصاريات — الصفحة ٥

عليه السهم يا ويلي تلولح * أبو ريدة وقع لا جدم أو وخر

ظلت شهربانه بس تولول * على التربان يا ويلي المدلل

طوگه بفيض اوريده امبلل * فوق الرمل تحت الشمس والحر

غدوا وسفه بني هاشم مطاعين * جميع أو موحشه منها الصواوين

ولا ناصر بگى منهم وي احسين * بس عباس والجاسم والأكبر

أبو فاضل تلولح فوق الاشگر

ليث هاج من شيبه امعير

نزل عباس يتمرضع بلحسين * يحب أيده أو جدم رجليه والعين

تسايل بالمدامع على الخدين * لما حن أو بچكي احسين أو تحسر

صاح احسين يا خويه يعباس * ينور العين يا تاجي على الرأس

يخوي أنت الدرع والسيف والطاس * اشلون اتروح وانا ابگى امحير

يخوي احسين يا زهرة آياتي * يخوي نحلت سكنه اعظامي

دخليني أريد الحق عمامي * أريد الثار قلبي دم يفور

يگله اوداعة الله يا عيوني * نيتكم أو حيدي تخلوني

ركب وارزم وگلهم تعرفوني * طليعة حيدر الليث المشكر

تشعشع بالحرب عنده الحرب عيد * سم ابصاجعه أو طاحت امن رعيد

يسحب السيف مبسم والنبل غيد * تتماوع أو عج الخيل عنبر