ديوان النصاريات — الصفحة ٤٧

ومن المدينة ايليل يسرون * أو گبل الفجر بالطف يصبحون

لحسين تالي السلف يحمون * أو عباس بين الگوم مرهون

وحوته طبق نومه يونون * خلصوا عمامي وكل هلي اشلون

خطاب للعباس ( ع ) عن لسان زينب ( ع )

بالخيام لمن حاطت الخيل * كثر ويدها أو هضل الرياجيل

وندهشت أطفال أو مداليل * والحرم صار الهن عويل

زينب نخت ودموعها اتسيل * وين اخوتي أو قومي البهاليل

يعباس يا عز الذليل * يا بن والدي العسكر ثجيل

أو للخيم چي ترضه يميل * وأنت المشكر بالتهاويل

بالسيف يمسدر اليعيل * أولو شافك اينس الجبيل

يگلها يبت حامي الدخيل * لردها نكس بلشاشها اتشيل

شوفي اشكثر منهم مچاثيل * عيناچ لا تبچي المداليل

الجواب

انا ادريك يوم الكون فتاك * أولا تگدر الفرسان تدناك

انا امن المدينة جيت وياك * ومظلل اعليه ابذراك

ترضه أصير ابوليت اعداك * واحنه المثل هل يوم ردناك

تسلم أو كل احنه فداياك * واللي أهي ابذرك أو بجماك

من تنسبي اشتعذر اهناك * امن اللوم معذور اوتعداك