ديوان النصاريات — الصفحة ٤٦

ملهن وطا أو لابيهن ازمام * شباري الوگع يلي غفى أو نام

اودرينه ليالي ايصير وأيام * والدرب تدري أيريد له أزلام

تباري الظعنه ورا أو جدام * ترضه يبو الشيمه يضرغام

خواتك سبايه مشن للشام

تمنيت أبوي اليوم يظهر * للغاضريه وياه الأشتر

أو حمزه اويجي الطيار جعفر * أو سلمان والمقداد يحظر

أو عمار يتلاهم وبوذر * أو عمامي تجي وين المشكر

وبكربلا كلها تكور * والحرب ذيچ اساع يعمر

يشوفون وحده احسين يفتر * أو صوبين بي حايط العسكر

وخوته چتل واللي امطبر * أو عباس علعلقمي اموذر

يلكدها ذيچ اساع حيدر * والأشتر يتبعه أعلى الأثر

يخلون كوفان تطشر ؟ * اوذيچ الرواية تذيه بالبر

وشلون واحد بعد يقدر * لحسين يوصل ويتجسر

لاچن اشبيدي على المقدر * امكون علينه بعالم الذر

أخونا انچتل واحنا انتيسر * يا يوم اخوتى يوم اقشر

تمنيت أبوي اليوم بالكون * أو حمزه أو جعفر بي يحضرون

أو عمار والأشتر يجون * اوباحي بني هاشم يركبون