ديوان النصاريات — الصفحة ٤٤

ابچي اوسحي الدمع يا عين * على أهل الشيم سبعين واثنين

وخوتي وعمامي غير الحسين * اوشبان من غير الجنين

أمسوا على الرمضا مطاعين * هذي جثثهم روسهم وين

كلهم تفانوا بس نساوين * آمنين اجتنا كربلا آمنين

يبات الگلب يحسين محموس * على البلخلا باتوا بلا روس

گومي اوهلي كلهم اضروس * أو عمامي اليبذلون النفوس

وخوي المشكر چسب ناموس * لگف جربته اوعنا على الشوس

أو غدى ايدوس بذيال الدرع دوس * دگعد يبعد أهلي يمحروس

يبوي الطفل للماي اخذته * بسهم العدا مذبوح جبته

شنهو الذنب خويه العملته * والماي حاضر ما شربته

لسانك على صدرك دلعته

يبوي الطفل عني دغطيه * اولالي گلب يحسين اصدليه

اشوفه ذبيح اوماد رجيله * لدري يبويه چنت اخليه

خفت العطش يلحق عليه * أو گلتلك لعند الماي ودية

اشوف الخفت منه طحت بيه

للسيد ميرزا

يوم النزلنه الغاضريات * قلبي أعلى اخوتي بالوجل بات