ديوان النصاريات — الصفحة ٤٣

انا اصرخ ودير العين ليك * انا أدري ابحميتك ما تخليك

اشوشيمتك ما ثورت بيك * خانن يخويه بيك رجليك

معذوريل حزو اوريديك

اناجيت للعركه أو ندهته * اوراعي المروه تعذر أخته

لگيت الشمر ثاني ركبته * على صدر اخيي أو خزر گبته

عيني العما اولاچان شفته * امخضب ابدمه أولا عرفته

بنفسي يخوي احسين أداويك * وجيب الدوا يحسين واسجيك

بلچن تطيب العلة البيك * وجعدك يبو سكنه وحاچيك

وعد مصايبنا وبچيك * لون تفتدي بالروح لفديك

أريد انشدچ يا دار عنهم * أهلي حموله اشظل منهم

گالت هلچ عني تعدوا * اولالي خبراي ارض مدوا

يا دراهم والله لواطيچ * واحلف يمين الما اطب ليچ

لمن يجي يا دار راعيچ

يا دارهم چنت زهيه * اوچانت قناديلچ مضيه

اشو موحشه امسيتي عليه * لحگت علي الغاضرية

أولا خلت امن أهلي تچيه * اشحال الذي فأجد وليه

ما حيلة المهدوم فيه