ديوان النصاريات — الصفحة ٤١

خاب الرجا الماچان خايب * شنهو الرجا واحسين غايب

طوح الحادي والظعن شال * واتصارخت نسوان وأطفال

چي بصرتك خوي بلعيال * أو منهو اليعدل الحمل لومال

غريبه أو معرف رچب الجمال * رأسك برأس الرمح ينشال

امصابك يهدم روس الجبال

ساق الظعن والنوق عجف * اوعيني تصدو الگلب يرجف

أو لوني يبوسكنه انخطف * وانا مخدره يحسين معرف

والدرب يا ابن أمي چلف * وابنك على النا گه مچتف

أومن ذوب گلبه العين تذرف * أو رأسك ابراس أسنان مشرف

مثل البدر والليل مسدف * وگلوبنا فوگه ترفرف

يحسين يا تالي السلف

يردونا عنك انشيل * واحنا حريم إبلا رياجيل

چي بصرتك لوهود الليل * أو چفيل الحرم وجعان واعليل

امگيد اوبس فنه العويل * يفطر الفاد أو ينحل الحيل

تمنيت أبو الحسنين بدري * ويشوف دم احسين يجري

أو حادي ضعنا گام يسري * مني اتمرمرت وانهتك ستري

لا تعتذر وتگول مدري * بالسوط بويه انفصم ظهري