ديوان النصاريات — الصفحة ٤٠

تريد الزتت منك يضرغام * ساق الظعن ونووا على الشام

يسير الظعن والروس جدام * حريم البليا رجال تنضام

وأهل الحمية كلهم نيام * بعدكم عسن العمر لادام

اويلاه من غدرات الأيام

وين الذي ينگل سلامي * لعدو الدي اوباجي عمامي

أو يحچيلهم زود اهتضامي * راح الذي عنا يحامي

نوحي على المذبوح ضامي

وين الصديج اليحن گلبه * علينا اويسج أبليل دربه

لرض الغري ويهيل تربه * يگله العلي زينب ابكربه

واعيونها لمجيك تربه * غريبه اوصفت بديار غربه

زمزم ضعنا أبليل مسراه * أو لحد يهلنا الظعن باراه

أو ولينا بگى والعين ترعاه * جسمه خضيب اولحد احذاه

أولا من شفيج جاه واراه * بس الوحش بالليل ينعاه

اويلاه يا روحي اويلاه * هيهات مثل احسين نلگاه

للسيد عبد المنعم

لو هلهلت والريح دايب * ومعلمه الكثر المصايب

عليها جرت كل النوايب * تهتف بخوها والگرايب

تگله الحرم ظلن غرايب * أو تسري بهن خوص الركايب