ديوان النصاريات — الصفحة ٤

يا گلبي لبن مسلم تفطر

شباب أو مثل روح الطير منخر

عجز ويلاه عن تحريك چفه * ايس من حياته أو گرب حتفه

نفض ويلي عدوه اعليه شلفه * تكور مثل روح الطير من خر

عزيز الروح بالتربان ممدود * أو دم السهم يجري فوق الخدود

گمر لاچن ابدم أشرق أو بچيود * يوسفه عليه بالرملة امعفر

شابچ تحت عج الخيل عينه * ما ينشاف بس تسمع ونينه

يريد أحد يغمضله اعيونه * ايس واغرفت روحه امن الحر

اشبيب والهنادي وزعنه * وابدم الشهادة غسلنه

ابعج الخيل ويلي چفننه * أو دفننه ابشعاع الشمس والحر

نزلوا بعد ابن مسلم الشبان * تنخوا واسفروا لمطالق الزان

حاسوا خيلها وشلوا الميدان * لما خروا تقول انجوم وتخر

على الشبان يا گلبي تفطر

تهاووا مثل مهوى النجم من خر

بعدهم طلع طفل امن الصواوين * امطوق والتراچي أعلى الخدين

يدير العين يسره أو نوب ايمين * طفل مدهوش يتلفت امذعر

ابچبده من لهيب العطش بورح * تراچيه على خده تطوطح