ديوان النصاريات — الصفحة ٣٩

يشعبون گلبي من يوون * عطاشا أو مني ماي يردون

بناتك يعيني مرمرني * عطاشا أو يردن ماي مني

أو صار البچا والنوح فني * مني اتمرمرت من صغر سني

اوراحوا هلي بالطبق عني

في حق العباس ( ع )

نجادي الظعن عباس مربيه * مالي گلب امشي وخليه

أخوي الشفيه واعتب عليه * أو گله الظعن منه اليباريه

بس العليل الگليد ماذيه * هذا الخفت منه طحت بيه

للسيد عبد المنعم

لو هلهلت وادموعها نار * والشمس غابت تحت الغبار

ندهوا بني هاشم والأنصار * وندهوا علي حيدر الكرار

خذونا سبايا اصغار وكبار * أو من بعدكم ضگنا المرار

لغيره

يا طارشي دنهض أو گوم * أو وصل علي جلاي الهموم

وخبره ابعزيزه احسين مهظوم * گضى بكربلا من الماي محروم

اوراسه على الميال مزموم * وخبره ترى زينب وچلثوم

وگله عليهم دارت الگوم