ديوان النصاريات — الصفحة ٣٨

زمزم ضعنا بليل ويده * أو ولينا بگي عاري عضيده

ظامي الحشا اودامي وريده * دگعد يحر الروس صيده

أخبرك بگت زينب وحيده * بس العليل أضل شريده

يصفج وسف يحسين بيده

للشيخ محمد النقاش

يراچب الكور المضمر * أو ساري گبل طرة فجر

لا يمنعك بر أو بحر * عرج لبوي الليث حيدر

گله يجرد للمشهر * سلمان وينه اووين أبو ذر

حمزه أو عقيل اوين جعفر * وين الدحاها لباب خيبر

ترى احسين عن سرجه اتقنطر * والشمر حزمنه النحر

انچان ما تلفي يحيدر * يسيرون ببناتك يسر

لودي عتب لأهلي الجفوني * اوبديار غربه ضيعوني

ساگوا ضعنهم ما تنوني * ماني العزيزة وارخصوني

دسحي عليهم يا عيوني

لو گف على درب الظعون * واسايل اليرحون ويجون

حرمه أو غريبه لا تگطعون * أو لدياركم يمته تعودون

ترى احنا ابمذله أو هظم والهون * واطفالكم يمي يلوعون