ديوان النصاريات — الصفحة ٣٧

من شاف عج الخيل درهم * وبغارب البارع تلملم

أو على تبة النشاب درهم * نصا المشرعة والريج علگم

ترسها اولاح الغوج وارزم * اودارت عليه الله يعلم

وبغير حفظ الماي ما هم * شراها ابيمينه أوما تندم

واثنى بيساره أولا انهضم * فروا جربته ويلي ابسهم

وگف وگفة المغبون واكظم * أو سكنه تربه اباب الخيم

متدري بعمها سبح بالدم * اويلي على أبو فاضل تخذم

لبعضهم

مصديت روس أهلي على ارماح * اوحس المحورب بالظعن صاح

لخيال ويانا ولا سلاح * بس راس أخوي على الرمح لاح

ياسايجه للظعن رده * امسا المسا واحسين وحده

لحد أولا ماحود عنده * وخوته طبق نومه ابحده

مچاتيل كلمهم فرد مده * وين الصديج البذل جهده

واسريع يوصل لعد جده * يگله ترى زينب بشدة

وين الصديج اليحن گلبه * علينا أو يسبح أبليل دربه

لأرض الغزي ويهيل تربه * يگله العلي زينب ابكربه

واعيونها لمجيك تربه * غريبه وصفت بديار غربه