ديوان النصاريات — الصفحة ٣٦

امسعر الحرب يا نار برهوت * ترضى على جثتك نفوت

لا ماي ويانا ولا قوت * وابنك علي بالحبل مسبوت

يحسين ياسور منيع * يجلمود يمثلم الگطاطيع

ياردام يمچسكر المصاريع * يرواغ يمعذب المداريع

خواتك مشن عگبك مفازيع * سبايا أو على النوق المضاليع

والحرم بعد ارجالها تضيع * خلصوا چتل حتى المراضيع

مطاعين علرمضا مصاريع

للسيد عبد المنعم

الخيل اجت وتعدت الحد * واخيامنا ما بيهن أحد

دشدله على حلو المشد * أو حورب لغاتك يلعبد

لابو الفضل هساع يگعد * گله الحسين أخوك مفرد

ايدير عينه أو ماله أحد * بسك على الرمضا امدد

دگعد يبعد الخال والجد

ياگصوره اوبالضيج عيال * اوياحيد ياشيال الأثقال

أو يطود ثبت لو صار زلزال * أو يبحر على الوديان سيال

اوياميمر حاطت به انذال * گطعوا يمينه والشمال

فداك السلف وأختك ولعيال

يعين الطليعة يا مجدم * يا خواض بحر الموت لوزم