ديوان النصاريات — الصفحة ٣٤

واشحالها من هود الليل * اوباتت حريم ابلار يا جيل

لو نادوا يحادي اضعونهم شيل * خذوهم على النوق المهازيل

أو چفيل الحرم وجعان وعليل * امگيد ابگيد ثجيل

حيدر يبويه ما تجينه * وتشوفنا اشلون انسبينه

سبايا أو نتستر بدينه * والناس تتفرج علينه

أو زين العباد امقيدينه * يبچي أو يتلفت ابعينه

ويگول أبوي احسين وينه * أنت انضبت واحنا انسبينه

دقعد يعزنا يا مچنه * يراس الفراسة والمحنة

محد ترى يبرى الضعنه * اوگلبي النوايب قطعنه

اوراسي المصايب شيبنه * لحقن على عگلي خذنه

ابفيض النحر شيبك تحنه

يا طارشي احتزم عجلان * لأهل المعالي أو رفعة الشان

أو وصل على خيال الحصان * أو حشم بني هاشم وعدنان

اوگلهم احسين انذبح عطشان * أو تلعب عليه الخيل ميدان

اوراسه يلوح ابراس السنان * حرمكم سبايا بين عدوان

أخوي احتزم والغوج شدها * أو عليها اعتلا اليرهب مهدها

تچنه أو على الظلمة لكدها * أو ضيع تحت صدره گلدها