ديوان النصاريات — الصفحة ٣٣

أو يضرغام لواگبل على الخيل * يخلي السيوف الهاصليل

يريتك عدل يوم الرحيل * تنظر بناتك والعليل

سبايا على النوق المهازيل * أو يلاه لو ينفع الويل

على أهل النجابه والبهاليل * مامش ولي بس العليل

امن الگيددم ساگه يسيل * مهو ابن النجابه والبهاليل

يجمال ريض لا تسبح حيل * والظهر گيل لا تشيل

تصلي الشمس واحنا مد اليل * أو لو صار ممشاكم أبليل

باروا المحامل لا تميل * أو حفظوها من طيحة الليل

لو هلهلت ودموعها تسيل * وتبرهجت من شافت الخيل

والگلب طار من الصهيل * وجعدوا صدرها يابهاليل

أو يشيالة الحمل الثجيل * أو ينقالب الرمح الطويل

گوموا لزينب والمداليل * وابروالهم من عثرة الليل

انوى ضعنهم علمشيل * اودنوالهم نوق المهازيل

غرايب أوما عدهم رياجيل * خلصوا چتل بس العليل

امگيدا وبس فنه العويل * ينفطر الفآد أو ينحل الحيل

لو تشوفنا من غارت الخيل * أو فزت امن خيمها المداليل

لگت گومها كلهم مچاتيل * ردت اوفنها النوح والويل