ديوان النصاريات — الصفحة ٢٨
يا شيال رأسه لا تلوحه * أو هبط عن بقايا الروس رمحه
أخاف ايفوت ريح الهوى ابجرحه * واصوابه عليه ايگوم يسعر
يا شيال راس احسين سدره * رده الجثه أو وسده ابگبره
يخايب شفت هاذي گبل تجره * ابقفره جثته أو رأسه امسير
يا شيال نعشه لا توجعه * اخافن تلچم جرح البضلعه
دريض لي أريد اسا أودعه * أو هذا افراگنا ما بعد مسدر
يا شيال نعش المات مظلوم * على الشاطي أو عن الماي محروم
تحوم اگلوبنا فوق النعش حوم * أخوي الطاح مثل النجم من خر
يا شيال نعش احسين بهداي * أو بالله دحط تابوته على الماي
أريد اوگف وغسلنه ابيمناي * وشوف اصواب گلبه ما تغير
رفع بعنادها رأسه اوشاله * أو خيب زينب أو يتم أطفاله
بسما شاله أو شافوا عياله * اجت سكنه تصحيح الله وأكبر
اجت سكنه تصيح الله وأكبر
يبويه ليش هلنومه ابها الحر
تصيح ابصوت يفجع من يسمعه * يفت گلبه ويرض صدره أو ضلعه
يفيض كل عدو عليه دمعه * يبوي ليش هلنومه ابها الحر
يبوي ليش ما تنغر عليه * ؟ سكنه العزيز الهاي هيه