ديوان النصاريات — الصفحة ٢٧

مثل البدر بالظلمة ينور

لمن شافته صفگت بديها * أو شگت ثوبها ويلي عليها

ما نلام من شافت وليها * فوق الرمح رأسه ايلوح بالبر

سالت عينها بدموعها اعليه * أو شالت رأسها وتلفتت ليه

خفق ويلي گلبها واومت اعليه * أو صاحت باچيه ابصوت امذعر

يسور المرمر الماله مصاعيد * يصل الرمل يمنفر العرابيد

يطير السعد يمعذب الصياييد * حاطت بيه فوق الرمح وكر

عسى ابعيد البلا رأسك امعلق * يخوي أو جثتك بگفره سملق

أو گلب أختك يخوي اساع خفق * أو طار اوحام عد رأسك أو فرفر

اويلي اتلا گفواراسك بلر ماح * أو شيبك آه تلعب بيه الأرياح

ومصوت عدونا بالغنا صاح * انذلنه امكيف أو بالنصر مستر

يا شيال راس احسين ريض * جيم ابراس اخيي لا تعرض

شوف الدمع من عيني يفيض * اويار الگلب لفراقه تسعر

يا شيال راس احسين گصر

ترى گلبي على افراقه تفطر

يشايل راس حامينه اولينه * ريض خلي اتودعه اسكينه

ليش احسين ساچت عن ونينه * قلى تعب يوجرحه تخدر