ديوان النصاريات — الصفحة ٢٦

يحاچيها أو تصب عينه ادموعه * لن قلبه انخفى واحنت اضلوعه

غمض عينه أو صارت بيه موعه * هوت أو دمعها اعليه ينثر

تشم احسين وتجلب ابجرحه * اولن الشمر يدفعها ابرمحه

گومي يو اذبحچ فوق ذبحه * وخليها ابعمر الدهر تذكر

بالله يا شمر عنه دوخر

اذبحني وخل أخوي احسين واسدر

تگله يا شمر بالله دخليه * أو ماشافه امن الطبرات ييزيه

تشوف ايلوج ما غير النفس بيه * أو عينه نوب يشبحها أو تغمر

دكلي يا كثر خالي امن الجروح * تحط سيفك يخايب والدم ايفوح

طبره فوق طبره تشعب الروح * يشوغ الگلب من عدها أو يفغر

يخايب خلي أخويه احسين ساعة * اغمضله ومد للموت باعه

مهو شمامة الحلوه اطباعه * دخلي ابراح روح احسين تظهر

يخويه بيش اضمك وين اوديك * يخويه اشلون أصد عنك وخليك

تراني اتحيرت يا مهجتي بيك * يخويه بيش اظللك من الحر

هوت يمه تشم كسر البضلعه * أخوي الما طبع يشبه الطبعة

غابت روحه أو فزت تودعه * اولن رأسه بلملوث ينور

راس احسين فوق الرمح مسفر