ديوان النصاريات — الصفحة ٢٥

يخويه ذاب گلبي من ونينك * يخويه موش گلبي صخر مرمر

فك عينه اوزرگها أو شبح ليها * اوحن أو خرت ادموعه عليها

لما صدت لعد دمعة وليها * ليلو فوق جرحه يجلب احمر

فك احسين عينه والدمع خر

ليلو فوق جرحه يجلب احمر

ناداها ابضعيف الصوت يختي * مهو حچيچ شعب گلبي دسكتي

ينور العين خليني ابمهجتي * أعالجها ترى گلبي تمر مر

بچت عنده أو صاحت له يعگلي * يروحي أو نور وجهي اوباجي أهلي

يخوي احسين شتهيس دگلي * يخويه يا صواب اليوجع أكثر

يگلها اصواب البوجهي يضدني * ولبراسي حمس چبدي اوفتني

ولبضلعي بهض حيلي أو ضهدني * ولبگلبي يخويه يوجع أكثر

يخويه يابس امن العطش چبدي * يخويه والترابه احرگت زندي

يخويه والشمس احرگت خدي * دفييلي ابردن ثوبچ امن الحر

ويه ما أحب سكنه تجيني * تشوف اجروحي أو تسمع ونيني

مالي گلب اشوفنها ابعيني * ذليله مالها والي الينغر

يخويه لا تليعي الگلب بالله * وببنيي علي هلة هالله

يخويه من بعد عيني الكم الله * وذكريني أو كل امصاب يزغر