ديوان النصاريات — الصفحة ٢٤

گام ايهمش اصفاحه ابسنه * يدق بالگاع رجله أو يجرونه

وباب الخيم رجليه ثنه * دق رأسه أو سالت دمعته اوخر

فرن يمه ايجلبن اجروحه * ابگلب خافج أو عبره سفوحه

لگنه ايلوج ويعالج ابروحه * يون وصواب گلبه دم يفور

اجت زينب تصحيح الله وأكبر

يخوي ليش هالنومه ابها الحر

بچت زينب أو نادت يا وليي * ينور العين يا عگلي أو خيي

يخوي الصبر من بعدك امعيي * علي أو نار فگدك دوم تسعر

يخوي من ضرب رأسك ابسيفه * طعن گلبك ابرمحه وخذ حيفه

أو ما خلا ابروحك بس طريفه * خفيه أو شافها الموت المكدر

يخوي من سمعت المهر يصهل * تخيلتك ابجود الماي مجبل

أصد لن المهر محرب أو معول * جالب عدته والسرج يصفر

على امصابك لحرم لذة العيش * بعد فگدت يخوي احسين ما عيش

يخوي اصواب كلمن مات بالريش * أو جرحك بالقلب يحسين يسعر

على امصابك لجيمن دوم نوحي * يعيني بالدموع اليوم طيحي

امصابك يا عيوني شعب روحي * لونه بالصخر ذاب أو تفسر

تصيح ابصوتها يحسين وينك * يخوي جاوب أو صدلي ابعينك