ديوان النصاريات — الصفحة ٢٠

أبو فاضل دگوم اساع واحضر

أو شوف الخيل عالصيوان تفتر

يخويه ليش هالنومه الطويلة * يخويه الطفل عگبت طال ليله

يخوي ما چنت تسمع عويله * يلوج امن العطش لمن گضى اوخر

يخويه آيست سكنه امن الماي * تجي يمي ذليله أو توگف احذاي

يخويه من العطش رادت تجي وياي * أو تگلك وين وعدك يا مشكر

يخويه مادرت لنك رميه * وهي ابر جواك تسجيها أمية

يخويه آمنين اجت ليك المنيه * أو تگضي بالعطش والسيف والحر

يخويه ليش هالساعه عفتني * غبت عني يخويه أو ضيعتني

مهو افراگك شعب گلبي أو فتني * أو نارك بالقلب يا خوي تسعر

رد واعياله امن العطش يؤمن * أو صاح ابصوت للتوديع گومن

مثل سرب الگطا گامن يحومن * تطيح اعليه وحدتهن أو تعثر

على اوداع الحسين الگلب محتر

يگلبي ذوب لوداعه أو تفطر

اجت زينب أو باجي الحرم يمه * أو صارت للوداع اعليه حنه

يشم سكنه وهي گامت تشمه * يحبها والدمع ليلو ايتنثر

يبوي ايطول من بعدي ونينچ * أو مثل النيب چن اسمع حنينچ