ديوان النصاريات — الصفحة ٢

هذا الرمح بفاوده تثنه * أو هذا بيه للنشاب رنه

أو هذا الخيل صدره رضرضنه * أو هذا أو ذاك بالهندي اموذر

هووا ما بين من گطعوا وريده * وقع رأسه أو بين اطارت أيده

أو بين امشبح ابرميه شديده * أو بين اصار للنشاب مكور

أو يلي الروس شالوها على الزان * أو لعبت خيلهم علجثث ميدان

نجوم اتموج من دمها ابغدران * نوب تطفح أو نوب تغور

ركب غوجه أو تعن احسين ليها * لگاها بس جثث ومسلبيها

صب الدمع وتلهف عليها * أو گال احتسب عند الله واصبر

وي احسين ما ضل بلمخيم * غير أولاد اخوه وولاد مسلم

وولاده وخوته أو لدة العم * وغير أولاد عبد الله بن جعفر

اويلي من الأنصار الخيم تصفر

بس أولاد هاشم نجم تزهر

الكل شبان ما منها لبخنده * اختط الشعر لا والله أو جده

أو بين أدرك ابلوغ أو بين بعده * أو بين البلمهد يلعوا ويفغر

يويلي منتلا گوا عند الوداع * دروا ما بعد ملگى غير هساع

غدا ماي الدمع ينچال بالصاع * أو ثگلى اگلوبها من العطش والحر

هذا يشبك ابهذا أو يحبه * أو هذا ابگلب هذا يحط گلبه