ديوان النصاريات — الصفحة ١٧

تراهي اتبب من النشاب والزان * لا تعصف تهز الزان وتضر

غديتوا طبق يا شبان واحسين * ظل أو حيد بس ايدير بالعين

لمن شاف روحه ماله امعين * أو شاف الخيل على الصيوان تفتر

لگف صلب العرج ملس الحديده * روطها أو غداها اعجود بيده

خاض الموت چن الموت عيده * عبوس أو من يشوف الحرب يستر

ليش الموت الأحمر راغ واصفر

اثاري احسين بالميدان يفتر

حليف السيف والبيرغ وليفه * حلولك فوق رأسه بس رفيفه

اشچم حران مدرع بس رجيفه * تسمعه والحرب بالسيف محتر

من يگحم على الليث ابعرينه * يجر يسراه والسيف ابيمينه

من يرگا على امتونه أو يهينه * يعيش أو بين اذان الموت يصفر

دق بالگاع رجله أو غدت ظلمه * تموج أو يجف بيها فوق عزمه

امروس ينضح الكترين سمه * تچف الناس كلها منه الشر

اويلي من وقف دون الخواتين * ينادي من يجاهد دون الحسين

طلع زين العباد امن الصواوين * يگوم ابشيمته أو بالمرض يعثر

اويلي على العليل اطلع مصفر

عليل أو مثل صل الرمل مصفر

( 2 )