ديوان النصاريات — الصفحة ١٤

لما أبدت الروح ابعمه اوبيه * طلب جسام رخصه أو ما يخليه

وقع ويلي يحب أيده ورجله * درخصني يعمي ما اگدر اصبر

يگله ابگي لبن عمك تباريه * عليل أو ما بقي غير النفس بيه

يعمي اخلافنا بلچن تسليه * وظن هيهات يتسلى ويستر

تقلي اسدر يعمي للصواوين * امنقلك رادليها چذب يحسين

أرد عنك دعلمني أبيا عين * اشوفنك على الرمضا امطبر

يقله يا قمر بيتي يشعاع * يعمي اوداعة الله هذا الوداع

ركب وارزم وذبها موش مرتاع * شهاب أو يحرج الطاغي من يخر

عرض للحرب جسام واشهر

شهاب أو يحرج الطاغي من يخر

جر السيف والزانه نكثها * أو طفح على الملزمومه أو فرثها

جثث بالروس والروس ابجثثها * اسم الله عليه خلاها تمثر

تبردق فوق مهره وقال يومي * أو قال لزانته على الخيل حومي

رفها وگال للرايات گومى * عن دربي وصيري اتياه بالبر

يخزعين الطليع وگال ثجل * ابظلمه والمذهب واج مشعل

من يلمح شعاع السيف يثول * حمام أو من يشوف الطير يصجر

من يدنى أو عزرايين بيده * غيث وبصواعجها رعيده