ديوان النصاريات — الصفحة ١٣
يبوي شوف لا جن حرم جدك * وحت زينب تصيح الله وأكبر
اجت زينب تصيح الله وأكبر
يعمه ليش ها النومه ابها الحر
هوت فوگه تشم خده أو تحبه * أو تطبق طبرة الرأس أو تعصبه
أو تسفر زيج ثوبه تجس گلبه * لگت دمه من افواده يفور
يويلي ولولت واحنت ظهرها * تخمش اخدودها اوتحلج شعرها
أو تدق ابراسها وتلطم صدرها * أو تنعى ابصوت طرگلب الصخر طر
يشمس الگيض يليلهب وهجها * يبدر التم يلمطفي سرجها
يسم الخيل يلمچثر مرجها * اشلون امن السرج تنشلع وتخر
ينجم اسهيل يلحامي الشرايع * يا جرناس يمعذب البراجع
يشبل الموت يمسدر الگلابع * اشلون أمسيت للنشاب مكور
ردها احسين للصبوان بالهم * أو شاف الخيل دارت علمخيم
اولن ابن الحسن جسام مرزم * يصبح ابصوت عالي الله وأكبر
طلع جسام يصيح الله وأكبر
درخصني يعمي ما اگدر اصبر
بس شافه شبق فوگه أو تباچوا * اختنگوا بالبواچي أو ماتحاچوا
لمن غابت الروح أو تتاچوا * على التربان ويلي والوگت حر