ديوان النصاريات — الصفحة ١١

اوخلى الخيل بالهامات تعثر

سدر والكون شابچ زان واسيوف * نشاب أو نبل واسهام واحتوف

ما والله رجف گلبه امن الخوف * ولا وجهه من اشراگه تغير

رد اسيوفها والنبل والزان * حطيبه والگروم اوجوه نسوان

شبل طاوي أو نفچ من شيب غيلان * أو شاف الغنم بالمران تشتر

هز غدارته أو ذب العمامة * نشر رأسه اسم الله على النشامة

خز اگلوبها أو شرق الهامه * أو لف راياتها والسرب نشر

روط زانته والموت بيها * أو صاح ارگابها أو حوم عليها

يا مبعد أهاليها عليها * وين اتفر أو طير الموت يبحر

عگب ما شرق الهامات والطاس * اجته ضربة العبدي على الرأس

ذبل وتواردوا بسيوفها الناس * شبك علمهر ويلي والمهر فر

على ابن احسين يا گلبي تفطر

شبك علمهر ويلي والمهر فر

شبك علمهر لباله يوديه * لبوه احسين عن القوم يحميه

اويلي المهر للعدوان فربيه * ووچب آه بموسط العسكر

داروا بالسيوف عليه والزان * مثل چتال سبع المات فرحان

عنى ابعيد البلا وليته العدوان * ارذال أو بالمعايب دوم تفخر