كتاب گيلان ( فارسى ) — الجزء ٢، الصفحة ٥٢٤

بوگو واگو

اگر سنگكى نانه شاطور ببم * مرا لازمه خيلى پرزور ببم

بشم مسگرى ، وا ، بتركه مىسر * ببم مرده‌شور . . . الحذر ، الحذر

بشم دلاكى ، مىدسا تغ‌خوره * ببم واكسى ، مىريشا آب ناوره

ساعت‌ساز ببم فنتولا ، بدزنم * جوراب‌باف ببم ، بوز و پنجه نانم

حروفچين ببم ، سخته ايشپون پائى * سوفالچين ببم ، يخ كونم سرمايى

ترا ، دردسر كم بدم اى برار * بيافتم ايتا كار با افتخار

نه شيش پرخايه ، نه تبرزين خايه * ايذه صحبت چرب و شيرين خايه

عجب كار كم‌زحمت و عاليه * كوكاره ، دانى ؟ شغل دلاليه

*

ايتا حجره ، ميز و تلفن بنام * قلم روسى ، استامپ و خشك‌كن بنام

بكندم آقا مير حكاكه‌ور * ايتا مُهر ، ايتا نعلبكى انقذَر

مظنه ، بيجيك ، چاب بزم سربسر * ا - كار ، نه غرامت داره ، نه ضرر

بگفتيد چى دلالى ؟ گفتيم همه * دكفته تاجر خانه‌يه همهمه

برات ، خشكبار ، جنس نوگفتيمى * هتوپيش بامو خوش بامو گفتيمى

به سروخت تاجر شوئيم جمعه‌شب * مىدلالى واستى به عين ميرغضب

نه فرياد زه‌ايم ، نه كوديم قيل‌وقال * برار جان به قربان كسب حلال

اگر عيبه دلالى ، تاجركونه * خومليّت چرخا ، پنچر كونه

همش آوره جنس مال فرنگ ، * پوله پس دهه شيك و پيك و زرنگ

نيگه جمعابيد بىسر و بيصدا * ماشين باوريد ، بركتش با خدا

كه از گرسنه ايذره كم ببه * اطوفان بدبختى ، شبنم ببه

هتوان اونا فانديره ، اون انه * دانيد اقتصاد ، اقتصاد گفتنه

شب‌وروز ، بيوقت و وقت كار كونيد * اساس چون ناره كار ، ور ، ايشكنيد

او مرداى پولا گيله جير ، جاديهه * خورا ، خو زن و زاكا ويشتانيهه

ايوارفانديرى ، بىوصيت بوشو * ارا ، اون بوشو ، پوله بيرون بامو

دوراقاچ بوشوم ، باز بايم حَرفه سر * كى وابيشناوه ، كيسه صاحب‌نظر ؟

ايروز ، نيشته بوم تك و تنها دوكان * بيدمَ ايتامشدى ، شيك‌پوش ، جوان

فوكل ، دستكش ، گتر ، سيويليزه * دروغگو سگه ، مىديلاشنگ بزه

دو هفته نوبوسته كراوات بزم * خلاف ادب ، ابرويه مات بزم

مىشلوار اوطى ، پنير قاچ كودى * مىعينك ، خيابانه ، تاراج كودى

عصاى « پلاخور » ، سفارش بدام * چپه سينه ورجا ، ايتا ، گل بزم

ايتا پرته فوى ، مرداكه دس بيدم * هو روزا ايتا كيف دستى بيهم

سينما بوشوم ، سبزه‌ميدان بوشوم * ايذه مردم ورجا ، مهمان بوشوم

مرده باد بوگفتم ، هه گوشه‌كنار * ايذه « بن سوار » ايذه « اروآر »

مره گفتيدى سوت بزن ، سوت زه‌ايم * به سال و به ماه ، وافوره ، فوت زه‌ايم

خيابان و كوچه ، اوشانا ده‌ايم * دانى من كوشاناگم ، چشمك زه‌ايم

رفيقان ، مىشين ، سرخه آب خورديدى * اواخر ، ميره ، ايپچه آورديدى

مرا گفتيدى : تو فناتيك نوبو * بخور ، جان من ، ضد پيك‌نيك نوبو

آمه دوستان ، يكدل و يك نفس * گيلاسانه چك‌چك ، زئيد كس‌بكس

شراب هم بوخورديم ، ا - آخر پسى * بوشوم پاى آس ، هف دس و نه دسى

خيابان ورجا قومارخانيه * هسا دم ، نانم من اونى نام چيه

بوشوم موسكوايسكى بيليارد بزم * بباختم ، هيزار دفعه هم داد بزم

بگفتم كه منبعد آسوده‌يم