مجموعة أشعار الحياة — الصفحة ٢٧٢

اعرف طريقك

دكك أريده ينتظم * لا بالمخازي ينهزم

لا يخاف ما دام العزم * موجود والقوة ترد

لا تبخل أصحابك تره * وتشوف هاي مكسرة

ذيجا طرح وذيجا ورة * من صار ما عندك رشد

هذا الدرب شفته فلا * تتعامى عنه بمهزله

إن جان رايد بهذلة * لا زرع عندك لا ورد

اعرف طريقك يا كلب * لا تخربط بهذا الدرب

لوري محمل ينكلب * كيف الذي رايح بدد

اعرف طريقك للضوة * من مظلمة بعقلك هوة

وتصير من ذاتك دوة * والدكة تشفة والكبد

تدري ما تدري يا كلب * إن أنت تيهت الدرب

وتروح ريح بلا مهب * وحاجية ما إلها سرد

هون عليك بلا أمر * بلا عنتكة زوم وقهر

شتشوف نفسك يا زهر * بالمكرمة صاير أسد

لا ثم لا . أنت عبد * مهما رحت . مهما ترد

فاعرف طريقك ياكبد * دوم الحمل والجلد